Dieselfde saffierblou spieëls
wat hart skitter weerkaats
koggel nou stroewe blik
wanneer vasgevang in strik

Dieselfde titaniese stryd
woed midde warm omhelsing
as arms liefderyk toevou
in hitte en kalmte van onthou

Dieselfde strelende kus
en lippe wat liefde prewel
rus sagkens op ooglid
wapper twyfel weg met wind

Dieselfde harte tot een gesweer
soos liefde bo haat triomfeer
waggel skugter glimlag
druk diep duidelike stempel

op blink toekoms wat wag