stom staan jy starend
na grusame toneel
wat hom herhaaldelik
in jou skadu afspeel
 
seksueel aangerand
agter jou rug beide hand
vasgebind met leerlyfband
en stanksweet wat brand
 
hoor jou skrille gille
eggo vergeefs verlore
in vlakgraf word jy gelos
as aasvoëlkos
in hierdie verlate bos
 
my tenger takke treur
boomgomtrane drup
weer en weer en weer
soos my stam stukkend skeur
 
jou ganse lewe lê nog voor
tragies om dit nou te verloor
Here hoeveel keer
gaan dit nog hier gebeur