Vuil,vodde met stank,
nader jy gebukkend,
smeekbedel halfhartig
om ‘n aalmoes of twee.

Jong verlore seun,
skaars halfpad man,
huiwer jou lewe klaar,
deur doodsvirus -
wat in are opgaar.

Waar is jou ma en pa,
wat jou haweloos laat
om hier te kom smeek
in die besige straat?

Is hul nog bewus van jou,
of het hul aan beweeg,
na virus se hellesteeg,
kyk hul slegs anderpad,
na waar rykdom hul vat?