God, hoeveel pyn
sal hierdie donker kontinent
sal hierdie bitter grond nog vra
van mense wat u lig moet dra?

Hoeveel smart, hoeveel offers,
hoe hoog die prys aan lewens en aan goed?
Elke plaas – ‘n seer verhaal –
opnuut weer duur met bloed betaal.

‘n Duisend boere – een vir een –
wat u nog hier kon dien en loof
hul bloed gestol tot rooi graniet
is uitgedoof.

God van vrede, hoor ons rede:
Met perd en ossewa
het Boere hier
u woord gedra.