Gee my genade, geduld
sonder strompel of struikel
hierdie heel laaste myl
op ellelange lewenspad
om enkel tree vir tree
in U genadebaan te gee
 
Gee my lewenslange lense
wys my U lig vir my voet
en U lamp vir my pad
ek wil waarneem en wandel
waar U kompas my vat
 
Gee my langdurige lugweë
teue vol aroma en geure
van U wonderskepping
en wees U my sielsgenoot
ek smeek om vrede en genade
onverdiend want U is groot