Vang hierdie mal mot,
voor hy dwaas en blind,
sy fladdervlerke -
in kersvlam verslind.

Hang hoog halfmas,
oor gevaarlike krans,
tot die kloof se wind -
in jou kuif kom dans.

Jaag vir koggelmander,
streel sy growwe kop,
hoor die brulpaddakoor -
tot net duskant sonop.

Voel ronde rivierklippe,
jou voetsole masseer,
drink uit helder fontein -
naby die berg of meer.

Klouter aap-voet op,
in die hoogste boom,
staar na die horison -
en leef jou droom.