God
voor tyd
het u geskep
en dit was daar –  
eindeloos, groots en klaar.
 
Galaksies en planete
met mane in hul bane.
Ruimte self en tyd,
newels en neutrone –
die skepping uit atome!
 
En Heer, hier by ons te lande  
branders en skulpies op die strande.
Kontinente en die rustelose see –
‘n moeder en haar kind  
wat vrede by u vind.
 
God
u is dit wat voed en klee
u die Een wat hoor en gee.
U  
in majesteit  
heers
in ewigheid.